Video
Read full review
2023-07-12
562 views
#搞串個pantry如果有外地嘅朋友嚟到香港🇭🇰，唔知大家會帶佢哋去食乜嘢呢🧐？大家可能會帶外地嘅朋友去酒樓飲茶🍵，又或者去掃街食吓小食，例如雞蛋仔🍳、魚蛋🐟、燒賣等等。仲有一樣好local嘅嘢食，可以帶外地嘅朋友去試吓，就係傳統嘅港式燒臘💕。今次就嚟到一間位於#元朗 嘅傳統港式燒臘餐廳，呢間餐廳最特別嘅係有#金錢雞 呢道傳統嘅燒味。金錢雞係由肥瘦豬肉🐷加雞肝🐔，將食材串成一串用火燒烤🔥而成，因為外型係圓形，再加上中間有個窿，就好似銅錢⭕️，所以比人叫做金錢雞。而呢間燒臘舖啲燒味全部係自家廚房制造。今次就嗌咗🔴金錢雞飯($61)、🔵叉燒燒鴨河粉($43)。金錢雞飯🌟🌟🌟🌟🌟真係高度推薦金錢雞😍，主要調味係靠蜜汁，外層塗上厚厚嘅蜜汁，經過燒烤🔥，變到好香，有啲邊位焦焦地，更惹味😋。口感方面，因為有肥肉、瘦肉，所以食落口感豐富，即使係瘦肉，都好腍🤤。而雞肝就偏粉，但因為有蜜汁嘅關係，所以無乜內臟嘅感覺🥳。整體非常好食，為咗呢個金錢雞，願意再嚟多次呢間餐廳💕！叉燒燒鴨河粉🌟🌟相對金錢雞嚟講，呢個就比較遜色啦😖。叉燒口感偏老，有啲難咬😬，而且可能浸住湯嘅關係，味道變淡咗。而燒鴨好啲，食落有鴨香
如果有外地嘅朋友嚟到香港🇭🇰，唔知大家會帶佢哋去食乜嘢呢🧐？大家可能會帶外地嘅朋友去酒樓飲茶🍵，又或者去掃街食吓小食，例如雞蛋仔🍳、魚蛋🐟、燒賣等等。仲有一樣好local嘅嘢食，可以帶外地嘅朋友去試吓，就係傳統嘅港式燒臘💕。
今次就嚟到一間位於#元朗 嘅傳統港式燒臘餐廳，呢間餐廳最特別嘅係有#金錢雞 呢道傳統嘅燒味。金錢雞係由肥瘦豬肉🐷加雞肝🐔，將食材串成一串用火燒烤🔥而成，因為外型係圓形，再加上中間有個窿，就好似銅錢⭕️，所以比人叫做金錢雞。而呢間燒臘舖啲燒味全部係自家廚房制造。今次就嗌咗🔴金錢雞飯($61)、🔵叉燒燒鴨河粉($43)。
金錢雞飯🌟🌟🌟🌟🌟
真係高度推薦金錢雞😍，主要調味係靠蜜汁，外層塗上厚厚嘅蜜汁，經過燒烤🔥，變到好香，有啲邊位焦焦地，更惹味😋。口感方面，因為有肥肉、瘦肉，所以食落口感豐富，即使係瘦肉，都好腍🤤。而雞肝就偏粉，但因為有蜜汁嘅關係，所以無乜內臟嘅感覺🥳。整體非常好食，為咗呢個金錢雞，願意再嚟多次呢間餐廳💕！
叉燒燒鴨河粉🌟🌟
相對金錢雞嚟講，呢個就比較遜色啦😖。叉燒口感偏老，有啲難咬😬，而且可能浸住湯嘅關係，味道變淡咗。而燒鴨好啲，食落有鴨香味，口感都唔錯，好腍😋。
金錢雞飯
$61
68 views
0 likes
0 comments
金錢雞飯
$61
87 views
0 likes
0 comments
65 views
0 likes
0 comments
Post
