海魂燒 (Closed)

今晚同朋友去食日本野，想食呢間日本餐廳好耐。店外面有好多菜色相，睇落幾吸引。我地黎得比較早，唔駛等位就入得，我叫左鐵板和牛，照燒金菇牛肉卷，黑松露溫泉蛋三文魚脂海膽石鍋丼，鹽燒雞翼同雞軟骨。先講下照燒金菇牛肉卷，牛肉卷肉質好嫩，醬汁入味，金菇爽口。鹽燒雞翼同鹽燒雞軟骨都好惹味，用椒鹽燒烤過，特別香口。鐵板日本和牛，未燒嘅和牛油花均勻分布，色澤鮮明，一睇就知高品質。和牛由客人自己係桌上型瓦斯爐上面燒，自問自己燒得都唔錯，哈哈，和牛肉質鮮嫩又甘香，放牛油一齊燒，香甜可口，加埋菜穿插食用，味覺得到平衡。黑松露溫泉蛋三文魚脂海膽石鍋丼，三文魚肉質香口滑溜，海膽幾新鮮，鮮甜冇苦澀味，黑松露真係好香，食落齒頰留香。朋友叫嘅青檸柚子梳打，好似唔錯。我叫左杯熱柚子蜜，幾滋潤。幾好食嘅一餐日本料理。