瑞士餐廳 (Closed)

餐廳嘅裝修好有風格，有少少外國feel。炸魚薯條 店內必試招牌炸魚薯條，每份炸魚都用原條魚柳整，外脆內軟之餘還有飽滿肉汁。炸魚嘅脆醬薄身，再加上自製他他醬汁，配上炸魚口感更佳。薯條較粗身，同樣炸得金黃香脆。 北海道海膽醬大蝦扁意粉 原隻虎蝦新鮮彈牙，蝦頭炸過勁香口，加上北海道海膽醬的鮮甜味再帶少少香草，意粉條條沾滿醬汁，超好食！ 季節生蠔 今次試咗日本日之雪花，西班牙銀堡疊，同法國聖馬田。日本蠔脆身同海水味重；西班牙就鹹身少少，肉質爽甜；法國蠔咸淡適中，六至九月當造。我自己最鍾意日本蠔💓整體非常新鮮，配白酒一流！ 瑞士芝士鍋 本身芝士鍋用咗瑞士芝士，芝士味非常之出，再混入咗白葡萄酒做底，令香氣更上一層樓。配菜白苗，手指薯仔，同雞肉腸雞胸，襯芝士都好好食👍🏻慢煮牛柳慢煮美國牛柳，五成熟係最完美既食法😋 慢煮令到個肉質非常嫩口，上面仲淋咗Chimichurri阿根廷青醬，令到整體味道更加有層次同豐富！一啖紅酒一啖肉，好滿足💓龍蝦意大利飯 用左原隻龍蝦尾，先煎後焗，肉質鮮甜彈牙，食落啖啖足料，再加上秘製牛菌醬汁同用蝦殼整嘅高湯，帶有洋蔥嘅鮮甜同菇類嘅香氣，意大利飯口感煙韌入味，大推👍🏻 火焰