饗量 (御皇臺) (Closed)

呢個飯盒咬咗我2粒鐘，食得慢嘅朋友，建議唔好堂食，因為佢收7點半😂😂。Super Food嚟講煮得唔錯，起碼唔系白烚先😂😂全部有調味有炒過，好香架。呢個系自選組合，每個飯盒都一定會有五色蔬果：車厘茄、沙葛、羽衣甘藍、南瓜、紫洋蔥。仲有啲芝麻同南瓜籽。然後自選汁、飯、豆、蛋白質。我揀咗柚子蜜醋(?)、椰香飯、紅腰豆同雞肉餅。加$15要咗牛油果。最鍾意啲餐廳有得自由組合😂😂。雞肉餅都幾好味，唔會好似雞胸咁鞋，有調味又有雞肉香，但系系瘦肉嚟，好奇妙。南瓜都抵讚，入味又淋，正😍。個汁我麻麻，個酸味唔襯椰香，椰香亦唔太濃。牛油果未熟，夾硬煮咗😂😂。不過其他野都唔錯，好清新。好鍾意紅腰豆同車厘茄😍😍好正。再架啲種子類襯托，好香。