GāGǐNāng 飯館 (Closed)

朋友生日，因為有海港城coupon，所以去了一間大家都未食過的貴價食館！一入到食館，就知係高級餐廳，係食環境嘅！茶位比想像中便宜，普洱茶都ok！打開餐牌係有少許比d價錢嚇親，但有coupon有折扣，應該可以接受啦！其實係海港城嘅餐廳，大部份都有品質保證嘅，所以都唔例外，係好食嘅，但如果原價真係唔太值。我哋點了以下幾款菜：香芒他他蝦球最好味，個他他醬好惹味，d蝦球都新鮮爽口！梅膏骨都唔錯，但一碟只有五粒，太少！煎蠔格，有別於一直食開嘅蠔餅，煎得好香口！糖醋煎餅，一般般啦！脆皮和牛脷，唔差嘅，但個價錢確個貴！啫啫芥蘭煲，但因為沒有芥蘭就改為通菜，味道正正常常！飯館炒飯，蝦籽炒飯，好好食，啖啖蝦籽好有口感！糯米蟹，最離譜係隻蟹，幾百蚊一隻，但竟然又細又霉又唔太好食！成餐飯嘅分數大打折扣！總括來說，餐飯係唔錯嘅，但因為價錢偏貴，所以性價比有點低！