Video
Read full review
2008-09-23
9 views
挾住 "意蘆" 同 "火車頭" 之名而成為天后區人龍店新貴, 或多或少對 "越南站" 有點期望...難得友人晌呢度搞左個小飯局, 二話不說當然第一時間赴約吧... 小店只有約二十五個座位, 訂了檯, 也很不容易才被安排到一張四人 + 一個主席位的檯就坐。一行五人叫了以下食品: 小食拼盤 - 有沙爹, 粉卷, 炸春卷 各兩件 + 扎肉五片 + 柚子沙律一客, 整體味道不錯, 份量則略嫌較少, 畢竟索價 $88 啊!! 炸肉丸 - 其實同日本菜食開既雞肉丸棒差不多, 包埋生菜食都唔錯, 但驚喜卻在隨碟附送的檬粉, 有朋友掃了一整碟!! 車站特別粉 ($58) - 好明顯係要避開 "火車頭" 呢個名, 有齊生熟牛肉﹑牛根﹑牛柏葉同埋牛丸, 當中以牛丸質素最高, 有別於其他越南食店 ; 河粉則頗為順滑 ; 不得不提的是其招牌湯底, 極為清甜 (雖個人認為湯底略嫌有少少過甜, 但其他朋友一致讚好), 亦成為我們 Encore 的主要理由。 順化牛肉湯檬 ($48) - 用了較濃和帶甘味的湯底, 粉亦由河粉換了檬粉, 味道不錯。 湄南海鮮酸辣湯 - 唔知點解又關"湄南"事, 自己唔太鍾意酸辣, 友
難得友人晌呢度搞左個小飯局, 二話不說當然第一時間赴約吧...
小店只有約二十五個座位, 訂了檯, 也很不容易才被安排到一張四人 + 一個主席位的檯就坐。
一行五人叫了以下食品:
小食拼盤 - 有沙爹, 粉卷, 炸春卷 各兩件 + 扎肉五片 + 柚子沙律一客, 整體味道不錯, 份量則略嫌較少, 畢竟索價 $88 啊!!
炸肉丸 - 其實同日本菜食開既雞肉丸棒差不多, 包埋生菜食都唔錯, 但驚喜卻在隨碟附送的檬粉, 有朋友掃了一整碟!!
車站特別粉 ($58) - 好明顯係要避開 "火車頭" 呢個名, 有齊生熟牛肉﹑牛根﹑牛柏葉同埋牛丸, 當中以牛丸質素最高, 有別於其他越南食店 ; 河粉則頗為順滑 ; 不得不提的是其招牌湯底, 極為清甜 (雖個人認為湯底略嫌有少少過甜, 但其他朋友一致讚好), 亦成為我們 Encore 的主要理由。
順化牛肉湯檬 ($48) - 用了較濃和帶甘味的湯底, 粉亦由河粉換了檬粉, 味道不錯。
湄南海鮮酸辣湯 - 唔知點解又關"湄南"事, 自己唔太鍾意酸辣, 友人則說此酸辣湯味道特別得來, 比一般的較酸, 辣味卻不見了。
咖喱牛腩 ($88) - 可以跟飯或法包, 我地就加左 $10 轉蒜蓉包 ; 牛腩本身煮得幾好, 稔得黎有咬口, 咖喱則不過不失。
紅酒牛尾 ($88) - 亦可以跟飯或法包或加錢轉蒜蓉包 ; 牛尾比牛腩遜色, 不夠入味之餘, 紅酒汁亦比較稀。
蒜蓉包 ($18 或跟主菜加 $10) - 唯一有少少 "意蘆" 既感覺, 香味撲鼻, 唯一客得四件比較少, 亦唔夠點成兜牛腩或牛尾。
啤酒蟹 ($198) - 蟹比一般的小, 卻真的 "啖啖肉", 味道清甜。
總括來說, 食物質素屬中上級, 絕對可以 Encore ; 服務亦尚可接受, 只是服務員真的比較忙吧 (除了大廚可以行行企企, 得閒推介一下食物, 同我地吹下水之外)...
要"彈"的話, 亦有數點: 1. 不主動加水 ; 2. 某些食物偏貴, 如 $88 的 咖喱牛腩 和 紅酒牛尾 等 ; 3. 除了可以即叫即上的荔枝甜品外, 其他甜品一律不賣, 理由是 "太忙, 冇時間整"... 搞到我地要被迫轉場食甜品...
遺憾的是, 何時才可找回 "意蘆" 的感覺回來?
Post
