咖啡弄 (Closed)

週末突然想去咖啡弄食tea，雖然咖啡弄已經開咗一段長時間，但唔知仲使唔使排好耐隊，於是打個電話問問，店員話最快book位時間係一個半鐘頭之後又或者可以選擇what in，因為而家餐廳入面並唔多人。打完電話之後大概20分鐘就去到咖啡弄門口，前面起碼排左七張枱😳走入去拎飛嘅時候又見到餐廳入面真係唔多人，有好幾張枱都已經走咗但未執，可能係人手唔夠🤷🏻‍♀️但最後我哋竟然都係等左一個半鐘先有得入座😴早知係咁book位就算。總匯三明治($65)每次嚟嘅必點item，台式公司三文治，餡料豐富，雞扒juicy，沙律菜新鮮👍🏻熱熔起司蒜香蝦($108)落單嘅時候店員已經話呢款製作需時比較耐，要40分鐘，由於呢個係新item，我哋淨係排隊都90分鐘😂等多40分鐘又算係啲咩。起司份量多，蝦球蒜味香濃，底下多士亦烘得好香脆👍🏻草莓冰淇淋鬆餅($60)鬆餅水準保持不變，熱辣辣上枱，鬆餅厚身，口感實淨但非常鬆軟。冰鮮果茶($58)同朋友一人叫咗一個冰鮮果茶，始終都係咖啡弄嘅果茶最好飲👍🏻📌食物係唔錯，但待客速度有待改善，眼見入面明明有吉枱，但可能因為人手不足做唔切，客人就依然要企喺外面等待。