友記餃子

Open Now

Now Closed

印象中嚟呢度食餃子都好幾次，不過冇影相冇寫食評，今次咁岩記得影相就分享下啦！同附近幾間魚湯餃子比較呢間質素唔差，而且冇咁迫添，但如果係呢個位置咁多年，我相信佢都keep到食物品質，不得不讚每次嚟食既味道都一樣冇點變過。芹菜豬肉餃＋雲耳椰菜豬肉餃子兩款都好味，芹菜同雲耳餃食落都比較有口感，芹菜就爽d，雲耳椰菜就多一份甜味，餃子既調味適中，啖湯亦唔會好重味精，湯就飲唔到又魚味但都算唔錯，我食完8隻餃子，湯都飲得7788，杯飲品就唔好有咩要求。另外兩款餃子我都試過，韭菜餃同栗米餃都唔錯，個人喜好芹菜同雲耳多d；好幾枱客都同我一樣堂食完都會買一兩打拎走，其間你會見到佢外賣生餃子都多。餃子又大隻又平，我記得以前有多一兩款是日精選餃子貼係牆上面，今次就見唔到。如果鐘意香口就揀煎餃，但相對比較膩，湯餃冇咁乾，呢d天氣食完就暖d，蒸餃都唔錯原汁原味。價錢反映食物質素，小店算keep得幾好。