Video
Read full review
2019-09-18
881 views
呢間道頓堀我早響佢尖沙咀第一間開時已經留意佢，但即使佢開幾多間分店，每逢夜晚假期總係人山人海，永遠無緣份食到🌚今日又響奧海城覓食，周圍都人頭擁擁，唯獨係呢間店無人排仲要大把位，再見到午市買四送一，即刻狗衝入去試下！入到去叫左野就知點解lunch無人來😂因爲要響短時間內（通常一小時）煮晒咁多份野食再食埋，真係唔係咁易呀葉師傅，不過anyway，都要頂硬上！我地一行8人，得兩個爐，十分鐘後上料即刻拿拿聲，響我嗰枱有兩個炒面，一個炒飯，一個文字燒要整，我地即刻手起剷落，愈炒愈熟手，好彩廚藝都過得去😂講返我自己嗰個道頓堀炒麵，有海鮮，芽菜，肉類，炒麵，湯，一杯野飲同沙律，我即刻倒晒啲料落板去炒熟先，記得調味，唔加豉油會無味，之後落炒麵同湯，仲有少少豉油同調味粉調味，出到來個效果出奇地好🤣鑊氣夠！味道夠！配料新鮮而且味道夾！啲麵幾爽口，唔係劣質麵，你炒過麵你知幾易痴鑊，但呢塊板無痴過，當然要記得落油！記得麵同澱粉質最後落，因為好易痴鑊，所以要掌握得好！我地以極速時間完成壯舉，下次要再挑戰其他！😎
今日又響奧海城覓食，周圍都人頭擁擁，唯獨係呢間店無人排仲要大把位，再見到午市買四送一，即刻狗衝入去試下！
入到去叫左野就知點解lunch無人來😂因爲要響短時間內（通常一小時）煮晒咁多份野食再食埋，真係唔係咁易呀葉師傅，不過anyway，都要頂硬上！
我地一行8人，得兩個爐，十分鐘後上料即刻拿拿聲，響我嗰枱有兩個炒面，一個炒飯，一個文字燒要整，我地即刻手起剷落，愈炒愈熟手，好彩廚藝都過得去😂
講返我自己嗰個道頓堀炒麵，有海鮮，芽菜，肉類，炒麵，湯，一杯野飲同沙律，我即刻倒晒啲料落板去炒熟先，記得調味，唔加豉油會無味，之後落炒麵同湯，仲有少少豉油同調味粉調味，出到來個效果出奇地好🤣鑊氣夠！味道夠！配料新鮮而且味道夾！啲麵幾爽口，唔係劣質麵，你炒過麵你知幾易痴鑊，但呢塊板無痴過，當然要記得落油！記得麵同澱粉質最後落，因為好易痴鑊，所以要掌握得好！
我地以極速時間完成壯舉，下次要再挑戰其他！😎
Post
