孖寶去骨海南雞 (又新街)

Open Now

Now Closed

呢晚同屋企人嚟到又新街呢間《孖寶去骨海南雞》食晚飯。去骨海南雞飯餐 ($52) - 飯餐如果要碟菜就$62，我揀過無菜版本，盛惠$52。賣相漂亮，雞皮夠黃夠爽滑，雞肉嫩滑有雞味。油飯夠味，粒粒分明，軟硬適中。跟嘅三款醬汁：薑蓉、甜醬油膏同甜酸醬都唔錯。口水雞飯餐 ($52) - 同樣亦係有跟菜要$62，冇菜$52。雞肉嫩滑，夠雞味，口水雞醬汁酸酸辣辣，仲加有乾葱，非常惹味。底部嘅芽菜亦好爽甜；油飯同樣出色。兩個餐都跟有例湯，南瓜粟米紅蘿蔔湯夠曬鮮甜。呢度嘅雞飯味道唔錯，相信我哋會再嚟幫襯。