Video
Read full review
2023-06-05
650 views
其實食過漁師兄大概10次，第一次寫佢嘅食評。食過幾次唔同口味，今次第一次試吓酸菜。口味方面俾大家少少參考，相比其他口味，酸菜偏向淡口啲，但魚味會明顯啲。的確跟佢推薦嘅咖哩同麻辣會比較惹味。如果鍾意食配菜的話，建議加配菜組合，成個感覺會豐富啲。烤魚上面有炸蔥絲，食落好香口，我試過問店員可唔可以俾多少少我，佢幫我問完廚房之後俾咗一碗我！份量方面，兩個人食我哋通常一份烤魚加三至四串串燒同一份肉/豬潤。有折埋單幾抵食。另外都講吓魚湯米線個魚湯好好味，可以加辣菜脯，ok辣，不過就算食得辣都唔建議加太多，因為加咗辣菜脯，辣味會搶過魚湯嘅味道。如果唔食米線，選擇泡飯，泡飯入面有脆米粒，一齊食嘅口感好好。唯一彈嘅係果茶...感覺同我買果茶茶包差唔多，有少少失望。對上一次都想寫食評讚佢，但係完全唔記得影相，附上一張已經食晒成條魚嘅烤魚俾大家睇
酸菜烤魚
10 views
0 likes
0 comments
食過幾次唔同口味，今次第一次試吓酸菜。口味方面俾大家少少參考，相比其他口味，酸菜偏向淡口啲，但魚味會明顯啲。的確跟佢推薦嘅咖哩同麻辣會比較惹味。
如果鍾意食配菜的話，建議加配菜組合，成個感覺會豐富啲。
烤魚上面有炸蔥絲，食落好香口，我試過問店員可唔可以俾多少少我，佢幫我問完廚房之後俾咗一碗我！
份量方面，兩個人食我哋通常一份烤魚加三至四串串燒同一份肉/豬潤。有折埋單幾抵食。
另外都講吓魚湯米線個魚湯好好味，可以加辣菜脯，ok辣，不過就算食得辣都唔建議加太多，因為加咗辣菜脯，辣味會搶過魚湯嘅味道。如果唔食米線，選擇泡飯，泡飯入面有脆米粒，一齊食嘅口感好好。
唯一彈嘅係果茶...感覺同我買果茶茶包差唔多，有少少失望。
對上一次都想寫食評讚佢，但係完全唔記得影相，附上一張已經食晒成條魚嘅烤魚俾大家睇
Post
