Video
Read full review
2023-10-30
415 views
23-10-2023之前聽同事講香港仔街市熟食中心開左，其中一間既早餐都唔錯，樓面個女仔重好好服務態度。但我就一次都未去過😅重陽節同男朋友行完山，就一齊去試下。入到熟食中心，一入門口，就聽到第一間舖把女仔聲同大家講「早晨」，令我忍唔住都停幾秒睇下餐牌(應該係同事提起好食嗰間）但話哂第一次黎，都係行哂成個場先再決定食咩。最終都係幫襯第一間🤣(可能真係比樓面個女仔和藹可親既態度影響左)2個人叫左一個豬扒煎蛋飯配蔥油汁+一份蔥花厚蛋治。先講下豬扒煎蛋飯，太陽蛋🍳煎到脆邊，有蛋汁撈飯加脆邊，口感豐富，我最愛😍豬扒肥瘦適中，唔會乾唔會硬彬彬、鬆軟得黎又有d口感(唔會好似某d餐廳咁，鬆軟得黎好淋咁, 好似落左好多鬆肉粉) 至於蔥油汁方面，不過不失，我同男朋友都話會再幫襯依個豬扒飯👍另外，我地重叫左份蔥花厚蛋治，整體都好唔錯，蛋唔會整得太老，個人比較鐘意食蔥，如果可以落多少少蔥，蔥既香再多少少就好服務方面，的確如同事所講，個女仔服務態度好好，當日見到我地2個，會主動放多套餐具同碗仔。又會同你講可以睇埋其他舖頭先，最緊要啱食，唔會令人有hard feeling 。(第二日返去再幫襯，諗住同個女仔打個招
23-10-2023
之前聽同事講香港仔街市熟食中心開左，其中一間既早餐都唔錯，樓面個女仔重好好服務態度。但我就一次都未去過😅
重陽節同男朋友行完山，就一齊去試下。入到熟食中心，一入門口，就聽到第一間舖把女仔聲同大家講「早晨」，令我忍唔住都停幾秒睇下餐牌(應該係同事提起好食嗰間）但話哂第一次黎，都係行哂成個場先再決定食咩。最終都係幫襯第一間🤣(可能真係比樓面個女仔和藹可親既態度影響左)
2個人叫左一個豬扒煎蛋飯配蔥油汁+一份蔥花厚蛋治。
先講下豬扒煎蛋飯，太陽蛋🍳煎到脆邊，有蛋汁撈飯加脆邊，口感豐富，我最愛😍豬扒肥瘦適中，唔會乾唔會硬彬彬、鬆軟得黎又有d口感(唔會好似某d餐廳咁，鬆軟得黎好淋咁, 好似落左好多鬆肉粉) 至於蔥油汁方面，不過不失，我同男朋友都話會再幫襯依個豬扒飯👍
豬扒煎蛋飯
37 views
0 likes
0 comments
另外，我地重叫左份蔥花厚蛋治，整體都好唔錯，蛋唔會整得太老，個人比較鐘意食蔥，如果可以落多少少蔥，蔥既香再多少少就好
42 views
0 likes
0 comments
服務方面，的確如同事所講，個女仔服務態度好好，當日見到我地2個，會主動放多套餐具同碗仔。又會同你講可以睇埋其他舖頭先，最緊要啱食，唔會令人有hard feeling 。
(第二日返去再幫襯，諗住同個女仔打個招呼，已經唔見咗🙈聽同事講，原來佢唔係成日出現😲)
福星廚房
食物
服務
價錢
#第一次寫食評☺️可能有點詞窮，希望之後可以繼寫多d會好d, 同俾大家係覓食中有更多參考😎#
Post
