炑八韓烤 (蝴蝶廣場) (Closed)

屯門蝴蝶已經冇咩好食，間中真係太餓就會去食炑八，雖則話五六十蚊食個飯係貴，但起碼好食飽肚坐得舒服嘛同事明明叫泡菜牛肉飯，但呢左呢個，睇返原來直情落錯單，是但啦，太餓，咩都食啦！一上枱時笑左，個碗已經好大，碗面鋪滿菜，真心以為係沙律😂同事話豚肉好淋好入味，菜好爽好新鮮，最重要都係夠大碗嘛，佢食得好開心加$48叫左個紫菜卷，呢份係外賣俾另一位同事嘅，但其實炑八係不設外賣，所以佢都要上碟先，然後再俾膠盒我地自己入。紫菜卷咪即係卷壽司囉，不過韓式嘅多數會用泡菜、醃蘿蔔，所以唔駛點醬油都好惹味，酸酸辣辣係開胃嘅到我喇，餓得很，叫左個牛肋骨煲，份量好足，牛肉超入味，未食已經聞到好羶香嘅牛肉味，第一啖咬落去都怕佢韌，但原來係爽架，大舊肉大舊骨，女仔食都好容易，煲裡仲有蘿蔔都係好好味，然後再用啲汁撈飯，簡直人間美食午市套餐跟前菜、湯，加$6有特式飲品過左午飯時間，舖面就會得返三四個人，但佢地好忙，又要吹水又要講電話，有個仲講得太投入整到個喇叭掣，突然轟炸起黎，佢仲傾電話傾到眉飛色舞，嚇到其他人即刻衝去閂返細聲