小巴黎越南餐廳 (Closed)

朋友話佢以前成日黎小巴黎食，呢間餐廳亦都係唔少屯門人細細個就黎食既餐廳!因為佢又平又大份，仲要好好食添!!所以屯門人個個都識。而我呢D非屯門人就真係第一次食啦~我朋友話推介個豬扒飯，佢話豬扒以前有兩份大大件，個味又好好食添!!不過我今日就想食麵，所以就叫左個香芧豬扒粉食，又真係幾好食喎!!難怪呢間係屯門人既回憶啦，下次我黎屯門又經開呢頭，會再黎試下!