海景海鮮酒家

Open Now

Now Closed

呢間啲點心好好食（限食一個小時。雞球大包超正，勁多肉，個包皮軟軟地甜甜地好好食，個餡又正有啲菜，又唔會過鹹，正😋北菇雞飯都唔錯好食，個雞好滑，冬菇入曬味好好食，啲飯都蒸得唔錯，一粒粒。蝦餃正，都係啖啖肉加好薄嘅皮，煙煙韌韌。春蛋燒賣都好食，不過我淨係食咗粒鵪鶉蛋之後食唔落，其他唔係我消滅嘅。乾蒸燒賣食都冇食過，但據消滅嘅人講，燒賣唔油膩，爽爽地，蟹籽一粒粒，有嚼頭。個雞扎一流，裏面係包金華火腿，魚肚，芋頭，好多餡。茶位五蚊位可以接受，點心又唔會太貴，免加一，好似要自己揀完自己拎上去？我哋係噉樣，但應該其實係自己揀完有人幫你拎吧，我唔知。可惜去到已經冇腸粉賣，因為呢間淨係蒸一次，一次一大籠，賣曬就冇喇，不過應該都唔好叫腸粉，腸粉唔係即叫即整應該唔會好食到邊，要自己落去樓下睇點心（見啲阿姐好似想做咗幾台客，不過可以唔使理，慢慢食一個小時唔會有人鬧你。我大約三點幾再去望一望，發現已經賣曬，睇嚟都幾多人幫襯下，想食就要早啲喇，我係大約12點去食。