麺屋こころ (新城市廣場一期)

Open Now

Now Closed

今次去咗沙田嘅分店，呢間店位置喺沙田鐵路站上蓋，環境舒服，同埋可以透過玻璃睇到師傅即場製麵，感覺非常特別。🍜正宗全料東京撈麵上次食完對佢念念不忘，呢碗撈麵用料非常豐富，有微辣肉燥、日本無菌蛋同火炙叉燒，成碗麵Q彈又有咬口。可以先試原味，再自己加黑椒或者昆布醋嚟調味。🍜原味撈麵如果鐘意清淡啲嘅口味，可以揀呢款。冇咁多配料，適合鐘意清淡口味或者胃口唔大嘅朋友。建議拌勻麵條再加黑椒或者昆布醋嚟食，可以享受到簡單中嘅美味。🐤單骨雞翼外皮煎到香脆，入面嘅雞肉嫩滑多汁。唔會太鹹，一啲都唔油膩。🥟烏軟骨餃子內餡好特別，用咗烏軟骨，食落口感爽脆，配埋佢哋自家調製嘅醬汁，真係幾惹味。