喜茶 (Closed)

喺唔需要排太耐隊嘅情況下，喜茶係值得試下嘅。個日見喜茶冇咩人排隊，大概係熱潮已經過左，就去買杯黎試下。曾經喺內地試過喜茶，當時已經覺得好驚艷，茶底好香，好好飲，個人推薦喜茶嘅茶飲系列，因為飲得出啲茶係唔錯。喺香港叫番同一杯試過嘅野作對比，價錢方面，香港嘅實在太貴喇，部分飲品要接近甚至過50蚊一杯，老實講50蚊一杯飲品，咁佢嘅質素就要相對提高，但試過香港嘅喜茶，雖然都好飲，但未至於值50蚊嘅質素。明白唔可能同內地比較，始終內地租金同人工都平啲，但當喜茶黎到香港呢個租金貴同人工貴嘅地方後，就變得性價比較低了。