幸福堂 (Closed)

平時成日黎到旺角行街，都會去買杯珍奶飲下，今次都唔例外，去左登打士街搵下買邊間飲！最後都係揀左好出名嘅正版幸福堂！呢度會有成鑊黑糖珍珠係度，即場倒落杯，職員仲會整埋啲黑糖扭紋係杯邊，令到成杯野飲賣相加曬分！今次我就揀左黑糖珍珠鮮奶同埋紅豆鮮奶！黑糖珍奶就必飲，皇牌招牌一定唔會伏！職員提我地飲之前一定要攪勻，啲珍珠好甜好有𡁻口，煙煙unun，唔會淋到一pat野咁！鮮奶嘅奶味又好香！配埋黑糖口味好夾！好好飲！而紅豆鮮奶就好少見，就心思思想試！味道原來都唔錯！紅豆加埋鮮奶咁飲！唔係淨係𡁻珍珠，轉下口味𡁻下紅豆都幾新鮮！下次想試埋火焰版黑糖珍奶！最到其他食客飲都覺得好吸引！