Video
Read full review
2018-06-14
103 views
尋日同幾個同事去食lunch，佢哋揀咗食台灣嘢。估唔到餐牌咁多選擇，可散叫點心小菜，又有點心套餐同商務套餐。經過一輪認真討論，見今次有咁多人所以最後決定食個四人餐($428)再加幾個點心。為左全面感受“台”風，我地散叫左台式胡椒餅、台式小籠包、春風香腃百花腸粉同埋招牌極品流沙包。而套餐入面包老火湯同甜品，其他揀左兩款涼菜係：鹽水鴨同花雕醉乳鴿。 三款小菜：鹽酥雞、阿仔煎同蝦皇大白菜。有位同事好唔配合咁堅持要食干炒牛河囉……呢到一定要讚嘅係上菜速度快，啱哂我地係附近返工的人食lunch。而且員工都好有禮貌， 每上一道菜都會主動介紹菜名，上湯時又幫我哋分湯和用碟另上湯渣。食物味道老火湯：髮菜蠔豉蓮藕，正！！超足料，又滋潤。點心 ：小籠包和流沙包都係好多汁同埋流心嘅， 味道好，合格有餘。但估唔到佢嘅台式胡椒餅同春風香脆百花腸粉十分有驚喜。 個胡椒餅同台灣食到嘅質感完全唔同，外面係酥皮，好鬆化，一咬就散果種，餡料都好多汁鬆軟同重胡椒味。 另外個腸粉以為會好似港式炸両入面係油炸鬼，點知原來腸粉皮包住係蝦春卷，仲要係爆多蝦嘅春卷！好正！！涼菜：花雕醉乳鴿唔會太重酒味，有同事唔鐘意飲酒都食左2舊；鹽
為左全面感受“台”風，我地散叫左台式胡椒餅、台式小籠包、春風香腃百花腸粉同埋招牌極品流沙包。而套餐入面包老火湯同甜品，其他揀左兩款涼菜係：鹽水鴨同花雕醉乳鴿。 三款小菜：鹽酥雞、阿仔煎同蝦皇大白菜。有位同事好唔配合咁堅持要食干炒牛河囉……
呢到一定要讚嘅係上菜速度快，啱哂我地係附近返工的人食lunch。而且員工都好有禮貌， 每上一道菜都會主動介紹菜名，上湯時又幫我哋分湯和用碟另上湯渣。
食物味道
老火湯：髮菜蠔豉蓮藕，正！！超足料，又滋潤。
點心 ：小籠包和流沙包都係好多汁同埋流心嘅， 味道好，合格有餘。
但估唔到佢嘅台式胡椒餅同春風香脆百花腸粉十分有驚喜。 個胡椒餅同台灣食到嘅質感完全唔同，外面係酥皮，好鬆化，一咬就散果種，餡料都好多汁鬆軟同重胡椒味。 另外個腸粉以為會好似港式炸両入面係油炸鬼，點知原來腸粉皮包住係蝦春卷，仲要係爆多蝦嘅春卷！好正！！
台式胡椒餅
10 views
0 likes
0 comments
春風香腃百花腸粉
8 views
0 likes
0 comments
涼菜：花雕醉乳鴿唔會太重酒味，有同事唔鐘意飲酒都食左2舊；鹽水鴨其實幾好味，咬落質感好好，不過一定要配嗰個酸酸哋嘅醋一齊食，否則就一定會太鹹。
小菜：鹽酥雞可能我人太黑，食咗兩嚿都有幾多肥膏係入面，但其他同事又無……味道大家可能啱啱食完鹽水鴨，覺得比較淡味。
柯仔煎好特别，同台灣街邊食到嘅唔同，佢係首先將啲柯仔包咗薯粉嚟煎嘅，而外面個蛋漿煎得香口同好重蛋味，可以一試。
最正就係個蝦王大白菜，估唔到佢畀咁多隻蝦，仲全部都大大隻，入面有膏嘅。好抵又好味！
同蝦皇大白菜
10 views
0 likes
0 comments
最後個乾炒牛河啲牛肉好香，好重牛肉味，炒得唔錯！忍唔住食咗2碗。不過下次黎要試第二啲台式啲嘅。
其實未上牛河已經幾飽，加上食埋個芋頭紫米糖水，超满足！
一路食都不斷有客入，好彩黎得早。欣賞呢間嘢有咁多好味台式菜式之餘，上菜快，員工都好有禮。大家都話要再黎多幾次食“台”風lunch。八卦睇埋個晚餐餐牌，估唔到台式菜有雞子同生腸，睇黎要同屋企人黎挑戰下。
涼菜+小食
13 views
0 likes
0 comments
牛河+糖水+老火湯
5 views
0 likes
0 comments
點心
8 views
0 likes
0 comments
6 views
0 likes
0 comments
Post
