有蒸氣 海鮮石鍋專門店 (Closed)

蒸海鮮其實有左好耐🙈不過一直都未食過😖今日同朋友聚會就決定滿足下我嘅願望😆一入到餐廳，感覺好闊落😆門口有好多合照，感覺好似唔錯 啲人都幾nice, serve周到咁蒸海鮮點可以唔講海鮮！我地order左最普通嘅個個海鮮石鍋餐，但都已經食到我地個肚漲卜卜咁走🤣🤣我地嗌左2支啤酒飲下一開始有沙包蜆同埋鮑魚，佢地會幫你set 晒timer, 一夠鐘就會幫你上碟，仲會keep住幫你換碟👍👍個鮑魚蒸到岩岩好 一啲都唔會覺得老！講真係屋企蒸嘅話好易overcook, 但咁樣食就唔會，而日本元貝重蒜蓉味，個人鐘意蒜就覺得幾jeng然後有竹串海中蝦，蝦都好新鮮好彈牙 又大隻wor! 我同朋友都覺得幾唔錯美國桶蠔完全有意外，佢好大隻，越大隻其實蒸嘅難度越高，因為好易未熟透/過熟，不過好在食落係岩岩好，一啖咬落去幾滿足之後就有兩款丸，分別係手剁豬肉丸同埋墨魚丸，兩款都好彈牙💯最後有鮮魷同蒜蓉勝瓜 不過不失啦呢兩款佢可以揀粥底/湯底，咁我地一開始就揀左粥底，食埋就真係好飽啦！