惠 (Closed)

反正今年都無得去旅行，就同女朋友去食餐好喇！今日就去左灣仔食Omakase，豪一豪！餐廳裝修簡潔得嚟仲好grand，帶有濃厚嘅日本風味。睇住師傅係你面前即叫即整，真係別有一番風味。午市套餐有兩款價錢選擇，今日試左壽司十二貫套餐。包括前菜，茶碗蒸，壽司十二貫，汁物，甜品。帆立貝肉質肥厚加上味道鮮甜。大拖羅，脂肪比例較高，魚油脂非常甘香，入口即溶而魚味濃郁。海膽味道濃郁，口感嫩滑，非常creamy. 日本靜岡蜜瓜，非常香甜多汁。廚師精湛嘅刀工，食材既特點，菜式既介紹，都非常專業。呢餐好值得！