板橋壽司 (Closed)

落雨懶得出街食，所以就近近地係樓下食算喇。叫左個2人餐，都有7、8款野食，我地三個人食都好飽。話左話三文魚腩湯，其實只係面豉湯放左舊三文魚落去姐。面豉湯比夠淡味，但勝在配料夠多。有三文魚、昆布、豆腐、紅蘿白、金菇(我都覺得好奇怪)配夠。刺身八小塊，唔新鮮，仲梅梅地咁。呢個好味，燒得幾香口，雖然幾大個，都全部食哂。特式燒餅仲以為大阪燒，點知真係好特色，從未食過。係四塊三角形既麵粉，上面有千島醬、雞肉同木魚。個餅係超級難食，無味又厚，食緊麵團咁。所以都係食左啲雞肉就算。牛少得可憐，洋蔥先係主菜。牛柳好韌，咬唔開。不過洋蔥幾好味，入哂牛肉同醬汁味，洋蔥全部食哂。呢個都炸得好味，落左少少鹽，咸味適中。不過要趁熱食，凍左就會好油。聽完個名都唔知係咩黎，其實姐係海鮮雜菜鍋。有菜、金菇、蝦、芋絲、魷魚。湯底無咩味。普通雜菜鍋一個，海鮮得好少，又唔新鮮。仲有個炒飯，不過唔記得影相。個飯炒得太乾身，啲飯好硬，唔好食。呢個唔係跟餐，散叫的。但每次去都一定會叫，雖然隻蠔細隻到蠔豉咁，但佢個沙律醬係超好味。估唔到沙律醬配蠔係咁襯，酸酸甜甜減輕左芝士既肥膩。真係食一打都得。