譚仔三哥米線 (Closed)

本身想找茶餐廳食野，點知原來就有間譚仔係度。上次長沙灣店的經驗不錯，所以再黎試試。不知譚仔三哥與譚仔正宗的店有何分別？一坐底先見到 $8 碟的尖椒皮蛋 (只限堂食) - 完全無辣味，但好香蒜味同埋 d 皮蛋切得好靚。再黎土匪雞翼 (大) $23 - black pepper and black sesame 加點香茅的 外層非常入味，但內裡的肉質就稍為無味咁婆婆想試蒜泥白肉 (小) $20 - 有幾湯匙的蒜泥，嚇人~~~，撥開蒜泥，見到 d 肉片都較大塊。同係其他地方食少 d 蒜泥但好吊味的差好遠，呢度 d 蒜多度就算我中意食蒜都嫌太多。加多碗豬潤清湯米線 (清湯) $21 - 好大碗！仲叫了這麼多小食添，食唔落。諗住食少少，但佢 d 豬潤為了要爽，最後煮出黎唔太熟，仲有 d 血 bit 出黎！嗯，要自己浸耐 d 等佢熟。服務小姐都幾細心，見我婆婆係度就問洗唔洗煮淋 d。今次的豬潤唔熟令我有 d 扣分，其他除了蒜泥白肉我都覺得都幾好食既。