和平飯店 (V Walk) (Closed)

今日去咗V walk嘅和平飯店食晚飯，四個人叫咗好多餸，食到好飽！先講吓呢間餐廳嘅特別之處，就係因為疫情關係，佢分咗上菜同執枱兩款侍應，所以唔可以叫執枱專員點菜，亦唔可以叫上菜嘅侍應收拾枱上嘅碗碟，感覺好衛生！糖醋魚塊好大碟同埋真係好多魚肉，個汁教得幾好，因為有菠蘿嘅關係，食落去甜得來有少少菠蘿嘅酸味同香味，增加左個汁嘅層次感！韭黃炒鱔糊其實都幾大碟，不過鱔就比較少，唔好睇佢咁深色，但味道偏淡，韭黃炒得夠爽口，不過不失。水煮牛肉呢個水煮牛肉冇得頂，個汁真係好麻辣，食完幾啖之後個口有一陣陣麻痹嘅感覺。佢啲酸菜同牛肉都好多，四個人都食唔晒！不過牛肉就係好一般嘅牛肉，冇咩肉味。東坡肉東坡肉有四舊，個汁好濃所以啲肉好入味，舊肉起碼有一半係肥膏，所以食落去好林好香口，不過食完一舊之後有啲後悔，好肥呀😅四川擔擔麵湯底夠濃，但個人嫌佢唔夠辣同埋唔夠花生香，麵都幾多，不過好似煮耐左，好淋同散散地。雷沙湯丸呢個雷沙湯丸真係值得一讚，唔知係唔係侍應即刻攞過嚟，黎到時好夠熱，又夠多粉，食落去感覺好足料。豆沙鍋餅呢個餸比較少地方有，所以特登叫黎食，入面啲豆沙蓉好香，但略嫌少咗啲，尤其係四個邊位，得一半有蓉。窩