Video
Read full review
2013-01-02
495 views
尋日(1-1-2013 Tue)男友放假,見天氣暖返少少,就臨時決定搭昂坪360上昂坪市集行,順便可以用o係G字頭o既團購公司,以$22.00買到$45.00o既現金劵共兩張.我o地上到o黎,都已經係兩點幾,由於昂坪360車廂內有通風位,吹埋o黎都有啲凍,加上男友都肚餓喇,我o地o黎到即刻搵呢間食o野.咁o岩o黎到有位,就同男友商量食咩o野,男友要$48.00o既咖哩魚肉炒飯配沙律,同$15.00o既熱奶茶,而我就要$48.00o既咖哩雞肉飯,$15.00o既熱奶茶同$32.00o既咖哩角(3件).飯同咖哩角都要等一陣,只有熱奶茶係即刻斟,所有o野都到齊後,我先試我o既咖哩雞肉飯, 飯係長好多但睇落乾身,不過好彩香濃o既咖哩汁有好多,令我同男友可以食晒成碟飯,而唔係好多o既雞肉肉質唔係好o鞋,但雞味就一定欠奉,而咖哩汁原來係越食越有味同辣.而男友o既咖哩魚肉炒飯配沙律, 睇睇三色炒飯又好似好乾咁,但又唔係,今落都幾油潤,雖然冇咖哩汁咁惹味,但都唔錯.而魚肉呢,咬開後發現佢係黃色, 即係用黃咖哩醃o左至炸?咁其實佢o地o既功夫都唔少喎.而雜菜沙律有生菜同青瓜,都幾新鮮,配
我o地上到o黎,都已經係兩點幾,由於昂坪360車廂內有通風位,吹埋o黎都有啲凍,加上男友都肚餓喇,我o地o黎到即刻搵呢間食o野.
咁o岩o黎到有位,就同男友商量食咩o野,男友要$48.00o既咖哩魚肉炒飯配沙律,同$15.00o既熱奶茶,而我就要$48.00o既咖哩雞肉飯,$15.00o既熱奶茶同$32.00o既咖哩角(3件).
飯同咖哩角都要等一陣,只有熱奶茶係即刻斟,所有o野都到齊後,我先試我o既咖哩雞肉飯,
飯係長好多但睇落乾身,不過好彩香濃o既咖哩汁有好多,令我同男友可以食晒成碟飯,而唔係好多o既雞肉肉質唔係好o鞋,但雞味就一定欠奉,而咖哩汁原來係越食越有味同辣.
而男友o既咖哩魚肉炒飯配沙律,
睇睇三色炒飯又好似好乾咁,但又唔係,今落都幾油潤,雖然冇咖哩汁咁惹味,但都唔錯.而魚肉呢,咬開後發現佢係黃色,
即係用黃咖哩醃o左至炸?咁其實佢o地o既功夫都唔少喎.
而雜菜沙律有生菜同青瓜,都幾新鮮,配埋佢o地o既青色沙律,非常美味.
而熱奶茶唔係港式係印式,男友話用錬奶沖,我覺得佢o地已經就港人口味,味道冇咁濃.
最後o既咖哩角,
大大件脹卜卜,亦配上呢隻青色沙律,男友先食,咬開睇睇,係咩餡呢?係薯菜,
而呢個用o左好多香料,香香辣辣,而我蘸上沙律醬食,沙律醬好似發揮唔到作用.其實我本身唔係好肚餓,但男友食完呢餐都覺得好夠飽.
環境:
座位舒適,唯獨是呢日仍算凍,室內溫度亦令人舒服,不過門口o既風機都係開得太大.
價錢:
以正價計,呢餐一共要$158.00,但其實我o地實際上只係畀o左$112.00,即係畀o左71折,以實際價錢計,呢餐都算正常經濟.
服務:
開頭我同男友同另一班客等兩張人客已經走o左,但未收o野o既兩張吉枱,等o左幾耐吓,見職員好似冇意識收o野,我又見到另一張已收o左o野o既吉枱,就即刻轉去o個張
但尋晚至發覺,原來佢多收我$5.00,我同男友講,佢至話我知,原來佢o地將o係menu上寫$15.00o既熱奶茶,
畀o左另外貼o係大門同cashier,寫住$20.00India乜乜奶茶o既紙(我冇影到)上o個隻我o地.,畀錢時cashier冇講喎,而且我以為係兩種奶茶添,而我o地張收據打出o既都只係'tea',
而cashier又係中國人,同我o地用廣東話溝通.呢點要改善囉.服務原本畀5分,但因為咁就畀4分.
味道分係4.25分
Other Info. :
三年零十一個月前第一次o係尖沙咀食覺得唔錯,所以今次都o係團購中買優惠劵o黎食,真係好彩冇錯過到.
o個次食評: http://www.openrice.com/restaurant/commentdetail.htm?commentid=1976027
(The above review is the personal opinion of a user which does not represent OpenRice's point of view.)
Post
