Video
Read full review
2020-08-08
957 views
幾年前飲過一次覺得一般般，可能因為上次係熱飲堅果奶，同超市買ge 差唔多，所以偶然再經過幾次都好飽冇迫自己再試第二款。終於今日想試樓下間麵包店，一次過黎試埋，今次好好飲，下次都係飲黎個系列啦首先，店舖位置真係唔方便，疫情問題唔想係街飲，買完行返屋企都成40分鐘🙄🤦🏼♀️但如果鑽石山穿過黎就好近，第日去鑽石山唔飲天仁啦，行過黎買黎間算啦行到返屋企，上邊奶蓋溶佐少少，但唔嚴重，如果係平時d奶蓋應該溶佐大半，佢奶蓋果杯位會比較闊少少，可能都係佢其中一個冇咁易溶ge原因？幾細心。台灣紅玉奶蓋。首先奶蓋份量好多，我自己鍾意飲奶蓋都覺得太膩，下次應該要叫佢少奶蓋（唔知得唔得）。奶蓋偏咸，質感比較厚實，食幾口已經開始好飽🤦🏼♀️口感同味道其實似好香果仁味ge 厚忌廉（平時奶蓋都可能係用厚忌廉？但可能因為普通奶類比較薄身同重奶味，混合埋ge味道同口感冇黎個咁似忌廉）。我還好，但男友第一口已經said no，所以全杯都係我飲晒，好飽。所以如果要試要考慮鍾唔鍾意忌廉味😛我對咸甜同果仁味拒絕唔到所以覺得係味覺ge享受，多重香味。茶底其實係唔重ge，會有少少失望，但又諗如果奶蓋重口，茶底又重口，成杯野可能會冇
終於今日想試樓下間麵包店，一次過黎試埋，今次好好飲，下次都係飲黎個系列啦
首先，店舖位置真係唔方便，疫情問題唔想係街飲，買完行返屋企都成40分鐘🙄🤦🏼♀️
但如果鑽石山穿過黎就好近，第日去鑽石山唔飲天仁啦，行過黎買黎間算啦
台灣紅玉堅果奶蓋茶
$32
43 views
1 likes
0 comments
行到返屋企，上邊奶蓋溶佐少少，但唔嚴重，如果係平時d奶蓋應該溶佐大半，佢奶蓋果杯位會比較闊少少，可能都係佢其中一個冇咁易溶ge原因？幾細心。
台灣紅玉奶蓋。首先奶蓋份量好多，我自己鍾意飲奶蓋都覺得太膩，下次應該要叫佢少奶蓋（唔知得唔得）。
奶蓋偏咸，質感比較厚實，食幾口已經開始好飽🤦🏼♀️口感同味道其實似好香果仁味ge 厚忌廉（平時奶蓋都可能係用厚忌廉？但可能因為普通奶類比較薄身同重奶味，混合埋ge味道同口感冇黎個咁似忌廉）。
我還好，但男友第一口已經said no，所以全杯都係我飲晒，好飽。
所以如果要試要考慮鍾唔鍾意忌廉味😛
我對咸甜同果仁味拒絕唔到所以覺得係味覺ge享受，多重香味。
茶底其實係唔重ge，會有少少失望，但又諗如果奶蓋重口，茶底又重口，成杯野可能會冇重點，大家d味互搶，依家好明顯成杯野會令我覺得奶蓋做得好好。
一開始買我諗佐好耐買宇治抹茶底定茶底，我好慶幸見到menu有星星轉返叫紅茶底。因為堅果奶蓋比平時ge飽好多膩好多，如果唔叫茶底，我一定飲唔到，依家飲完都已經可以當成lunch。
奶蓋平時有一個好大問題令我好少飲，就係層奶蓋好快溶佐，混合埋落d茶到好似飲奶水（即係飲完杯奶，加水洗杯果個味），好難飲。黎間佢奶蓋溶得好慢，同埋溶佐之後令杯野，帶幾重ge堅果奶味，唔錯（唔通佢係故意揀唔濃ge 茶底？）。
強烈建議試奶蓋茶系列少甜少奶蓋
其實小店好有心，除佐轉用杏仁奶但價錢比普通奶蓋平之外，奶蓋比其他店多（雖然我唔需要，但總有人好鍾意食奶蓋），又附送小匙食奶蓋，再加上連飲筒都係用環保飲筒（唔肯定係咪叫甘蔗飲筒），幾樣野加埋成本貴晒，一定比其他台飲店ge 利潤少。唔似依家有d台飲店聲稱支持環保，就話唔自己帶杯加一蚊或者要飲筒得環保飲筒要加一兩蚊。黎間佢係自己支持環保就身體力行，唔會轉移果成本比客人。
會繼續支持
Post
