美味天皇

Open Now

Now Closed

晚餐四選一(免加一), 西冷扒$55, 其餘三款$45, 要了蕃茄雞扒飯。餐湯得一款唔使揀, 送牛油多或餐包。雞扒當然係雪貨, 不過皮煎得香脆、內裡又唔「鞋」, 上面淋一大灘蕃茄汁, 蕃茄汁帶香草味, 偏甜, 汁多好送飯, 另有西蘭花同幾根椰菜伴碟。食完大碟飯已經好飽。套餐送西餅一件: 芝士旦糕、綠茶旦糕同朱古力旦糕三選一。芝士旦糕沒有什麼芝士味, 鬆鬆軟的似一件雞旦糕。怕咖啡的澀但為了「手磨」兩個字, 最後都叫了手磨咖啡一杯: 好滑, 不過落了兩包糖仍然澀澀地。這個價錢, 這個份量, 這個味道, 抵食過大家樂同大快活, 冇幾何食快餐食完會嗌「好飽」。