餃掂手工餃子雲吞專門店

堅尼地城都有餃掂，非常方便！簡簡單單都食到餃子。鋪面都幾夠大坐得幾闊落！menu既餃有數十款選擇，湯餃又有煎餃都有！今次各叫一款！至尊松茸豬肉湯餃，跟了狀元九鼎湯，原來是粉葛赤小豆湯，清得黎幾好飲。真正做到零味精感，餃皮唔會過厚。大大隻好飽滿，入面餡料食出幾正。再夾埋松茸醬一齊食，更惹味，再配了碗米線，好有滿足感。壽喜燒牛肉煎餃，外皮煎得好香脆，一咬開有爆汁感覺，肉汁夠多！蜜餞雞翼金黃色好搶眼，味道偏香甜夠濃郁！口感幾滑。