Video
Read full review
2018-11-22
105 views
有次搭車經過太子“旺角警署”旁酒吧街，已留意到「Channel 3」好多顧客，即被吸引住視線，上網睇睇知道係一間集酒吧+餐廳於一身，主打西班牙菜嘅酒吧餐廳，心諗之後一定會幫襯。估唔到今晚好友約食飯傾計，就正正訂咗「Channel 3」，果然係知己好友呀⋯哈哈！準時七點到達已見有好多客人，酒吧餐廳地方唔算好大，但勝在環境舒服、氣氛一流。無論長長嘅吧枱、高低用餐飲嘢枱，每個角落都睇到兩角嘅大電視熒幕，超貼心周到。服務方面亦要一讚，無論飲嘢用餐，都親切有禮，係酒吧餐廳難得一見！飲品種類及選擇固然多，連食物都一樣多喎！餐廳除主打西班牙菜外，其實仲有好多唔同國家菜式選擇，真真正正tapas bar & restaurant。入座先嚟香辣胞脆片小吃，伴以酸酸甜甜醬一齊食，無論佐酒或餐前小食，都令我食唔停口。<< Mojito >>～ 賣相相當吸引，杯頂嘅半圓冰球，令呢杯Mojito有畫龍點睛感覺，簡直唔捨得佢溶。～ 貫徹Mojito薄荷+青檸+Rum嘅清新雞尾酒，調配得好好飲。<< Ice Lemon Tea >>～ 因好友臨時通知飯
準時七點到達已見有好多客人，酒吧餐廳地方唔算好大，但勝在環境舒服、氣氛一流。無論長長嘅吧枱、高低用餐飲嘢枱，每個角落都睇到兩角嘅大電視熒幕，超貼心周到。服務方面亦要一讚，無論飲嘢用餐，都親切有禮，係酒吧餐廳難得一見！
飲品種類及選擇固然多，連食物都一樣多喎！餐廳除主打西班牙菜外，其實仲有好多唔同國家菜式選擇，真真正正tapas bar & restaurant。
入座先嚟香辣胞脆片小吃，伴以酸酸甜甜醬一齊食，無論佐酒或餐前小食，都令我食唔停口。
<< Mojito >>
～ 賣相相當吸引，杯頂嘅半圓冰球，令呢杯Mojito有畫龍點睛感覺，簡直唔捨得佢溶。
～ 貫徹Mojito薄荷+青檸+Rum嘅清新雞尾酒，調配得好好飲。
Mojito
2 views
0 likes
0 comments
<< Ice Lemon Tea >>
～ 因好友臨時通知飯後要OT，唯有滴酒不沾。其實除了酒精飲品，非酒精類亦有好多選擇，就嚟一杯凍檸茶啦⋯哈哈！
<< 藍芝士汁煙燻雞肉蘋果沙律 >>
～ 獨特嘅藍芝士香+燻香味濃嘅煙雞肉，配上清新蘋果&沙律菜，出奇地夾又特別，一個好好食、好開胃嘅沙律。
藍芝士汁煙燻雞肉蘋果沙律
15 views
0 likes
0 comments
<< 意大利地道凱撒Pizza >>
～ 一個清新健康嘅凱撒Pizza，薄餅面佈滿新鮮沙律生菜，加上香濃芝士、煙雞肉等饀料，再加上餅底又焗得好香脆，有創意又好食。
意大利地道凱撒Pizza
15 views
0 likes
0 comments
<< 巴塞隆拿海鮮炒飯 >>
～ 西班牙菜必食之一嘅海鮮炒飯，海鮮種類豐富，成隻碟咁大又爽口嘅大蝦，又有青口、蜆肉、魷魚唔同鮮味海鮮、唔同口感，混合微辣入味炒飯，超好味！
巴塞隆拿海鮮炒飯
14 views
0 likes
0 comments
一間位置方便，好飲好食又有氣氛嘅酒吧餐廳，下次再同班friends一齊較啱channel，嚟「Channel 3」再飲再食過！
Post
