Video
Read full review
2012-12-18
214 views
今日我哋出動到尖沙咀睇聖誕裝飾. 臨出發前當然要上OPENRICE睇下啦. 見呢間阿芳餛飩 嘅食評全係笑評, 雖然對於我哋嚟講唔太就腳, 但都決定來一試.MENU上有餃子套餐選擇, 可淨食或配湯上海麵/湯年糕. 每款都係$35.00. (附一杯豆漿)叫咗: 時菜豬肉餃湯年糕--時菜係西洋菜, 餡料實淨, 西洋菜剁得夠碎, 年糕又林又滑, 絕對唔"痴"牙. 正! 韮菜豬肉餃湯上海麵--韮菜剁得幼細, 菜與肉嘅比例剛剛好. 相比別處的多菜少肉, 確實做得出色. 麵條分明, 上海麵吸盡湯汁, 好味! 洋蔥豬肉餃湯上海麵--一咬開有強烈嘅 洋蔥香味. 睇到係用上比普通洋蔥較為甜嘅紫洋蔥. 減少辛辣程度. 但呢個餡料比較鬆散. 我果碗一上枱, 老公大叫話好香出前一丁味啊! 叫我即時試下, 問啲湯底係咪用一丁味粉開嘅. 我話應該唔會喎 (OPENRICE食評都無人反映過) 即"畢"一匙湯入口. 原來只係好重嘅麻油香味, 並不是味粉湯.另叫了小食, 跟套餐原價減$2.00 四喜烤麩 $8.00 --麵筋夠入味, 口感鬆軟有彈性. (我呢個大鄉里不大喜愛冷盤, 如果有得熱食必定一流) 灼西生菜 $
MENU上有餃子套餐選擇, 可淨食或配湯上海麵/湯年糕. 每款都係$35.00. (附一杯豆漿)
叫咗:時菜豬肉餃湯年糕--時菜係西洋菜, 餡料實淨, 西洋菜剁得夠碎, 年糕又林又滑, 絕對唔"痴"牙. 正!
韮菜豬肉餃湯上海麵--韮菜剁得幼細, 菜與肉嘅比例剛剛好. 相比別處的多菜少肉, 確實做得出色. 麵條分明, 上海麵吸盡湯汁, 好味!
洋蔥豬肉餃湯上海麵--一咬開有強烈嘅 洋蔥香味. 睇到係用上比普通洋蔥較為甜嘅紫洋蔥. 減少辛辣程度. 但呢個餡料比較鬆散.
我果碗一上枱, 老公大叫話好香出前一丁味啊! 叫我即時試下, 問啲湯底係咪用一丁味粉開嘅. 我話應該唔會喎 (OPENRICE食評都無人反映過) 即"畢"一匙湯入口. 原來只係好重嘅麻油香味, 並不是味粉湯.另叫了小食, 跟套餐原價減$2.00
四喜烤麩 $8.00 --麵筋夠入味, 口感鬆軟有彈性. (我呢個大鄉里不大喜愛冷盤, 如果有得熱食必定一流)
灼西生菜 $5.00--OK
豆漿係暖的, 唔太甜, 飲落好warm好舒服.
Other Info. :
18:30左右係勁多人, 但19:00至19:30就得我地一枱人, (任我影相) 到我地埋單時又開始多人了.
(The above review is the personal opinion of a user which does not represent OpenRice's point of view.)
Post
