巴沙新加坡小品 (Closed)

3Jun2007 1436星期日朝早等了又等式的搏老命開工後，已經到兩點幾，要醫肚，見這裡開了一段日子，我又未試過，便膽粗粗做白老鼠。沒有套餐及茶餐，唯有散叫，有澱粉質的食品，最平都要48蚊，唯有叫一碗正宗喇沙，內裡有蝦、鮮蛤、魚片、墨魚及豆卜，而裡面大部份只有米粉，油麵非常少，米粉及油麵的比例個人來說喜歡5050。味道同一般我地食開或認知有點不同，佢都會有少少辣、喇沙醬及椰汁香味，比較特別有少少蝦醬香味，都可以接受到。至於杯新加坡咖啡，係沒有奶，喜歡乜星乜洋或西/港式咖啡的你，一定不受這套，這都是正宗的出品，真係唔好失驚無神話要加奶。我相信各處鄉村各處例，所以笑臉都有個，不過咁既價錢真係貴左些少。