泰仔串燒 (Closed)

經過聞到好香，叫左幾串串燒做晚餐。珍寶腸，豬頸肉，粟米。真係等左好耐，粟米最後等左半個鐘。。。不過個個staff都服務好好，仲提我下次叫串燒，由其粟米，可以打電話叫定先。香腸同豬頸肉可以揀酸辣汁、甜辣汁同沙嗲汁，今次揀左沙嗲，好香好好食。粟米都好甜，等咁耐都值得！今日去到七點幾，見都幾多人叫外賣，個泰仔湯河好似好吸引，仲有燒菠蘿，下次試下先。環境就真係一般，但叫有風味，同埋當時未見佢開枱比人堂食，大家都係叫外賣。