品川雞煲 (Closed)

睇報紙介紹，9：30之後只需$148可以任飲任食，所以就黎試下。可能星期五關係，都等左陣先入到去，間鋪頭裝修得幾企理，店員都幾nice。一黎就點左個招牌奇味雞煲小辣，店員即送上青瓜同雞翼小食，食住小食，簡下打邊爐d餸，等個雞煲。十分鐘左右，雞煲終於上枱啦！閒落已經好香，而且個味好濃，仲有蓮藕，菜max埋，好有特式。食飽飽就加湯打邊爐，哩到除左肥牛，仲有好多選擇，有好多類型ge丸，響鈴，魚皮，彈牙巑奇烏冬同出前一丁食，真係好滿足！