御前牛盛日式涮涮鍋 (Closed)

同朋友收工去左食御前牛盛，依間係食日式火鍋放題的。任食火鍋同加$30就可以刺身任食 好抵食！我地坐底左之後就即刻睇湯底，因為好鬼肚餓！最後我地揀左東京蕃茄龍蝦湯底，大大個龍蝦浸係個鍋度，好有睇頭，湯既味道都幾好，有蕃茄既酸味味，又有龍蝦既鮮味！醬油調味可以自己去自助區自己整，自助區仲有前菜例如豬耳、生菜、丸類同雲吞都可以係自助區自己拎。野飲方面都好多選擇，佢地有3個大飲品雪櫃，紙包、樽裝、罐裝咩都有齊！我地點左好多刺身，例如三文魚、 甜蝦、 赤、鮑片、 象拔蚌、螺片⋯⋯三文魚幾厚幾大塊 好新鮮 仲要係我最鐘意既魚腩位 好嫩好滑！甜蝦唔算好大條，但係好鮮無腥味！打邊爐我地叫左鋪頭最出名既牛肉。我覺得最好食係加拿大牛胛肉片，其實我都唔知係牛嘅咩部位，但係好正好好食， 好香牛味， 一咬d肉汁出晒黎～又唔會咬唔爛 ，又無根位，正！鹿兒島豚肉都不錯，每塊的大小和厚薄都好適中好平均，肉質都不錯，很嫩口。海鮮都叫左好多，例如日本廣島蠔、青口、活海蜆同田雞腿。全部都好新鮮好野味！仲有疏菜類丸類同菇類！d蠔大大隻，一啖食落口，又滑又多汁，新鮮又唔腥！下次收工再黎！