安安燒 (染布房街)

Open Now

Now Closed

今日到旺角食下串燒，呢間安安燒人山人海，地點又方便。去到會有圖片睇，再自己寫單。先叫了「夜魅鰻魚汁三重芝士撈丁」，香氣撲鼻，芝士汁好濃郁，混入鰻魚汁鹹鹹香香的，10分好食。仲叫了個燒芝士餈飯，飯中間夾入肉鬆，芝士喺面，別有一番風味。仲叫了個必點的燒芝士蒜蓉茄子，孜然味粉十足，又有蒜蓉香辣椒的辣味，啱晒重口味的你們！脆皮燒滑雞片果然是必點之選，皮脆肉滑肉汁仲保留度，孜然味粉也很重口味！燒四季豆就正正常常啦，清新一下！仲有個燒菠蘿都好好食，設到一嚿一嚿的，好Juicy! 燒雞軟骨串性價比十足，有兩串，一人一串就啱啱好，雞軟骨好脆卜卜！