斗滾 (適安大廈)

Open Now

Now Closed

在山道這間斗滾火鍋店，8月份做緊無限時養生放題火鍋，已經包含圖中既6項項目，都真係非常抵食，仲要任飲！性價比極高既火鍋店，當然質數食完後都覺得好正！蒜蓉粉絲蒸聖子，蒜蓉濃郁入味，有粉絲，金菇伴住，口感豐富，聖子肉質夠鮮，好入味！招牌大亂斗雞煲，香料味夠香濃醬汁好正，超惹味，雞件到坊間既唔同，真係特別嫩滑！湯底為松茸花膠圓肉燉雞，堅係足料，花膠夠綿密細緻又夠滑！好滋潤既感覺，湯頭入味！烏雞大大隻。先飲湯，後火鍋！海鮮盤非常豐富，鮑魚Q彈柔嫩，而且帶鮮味，海蝦亦新鮮彈牙，肉質細嫩！其他海鮮都係幾高質，牛頸瘠開邊，色澤紅潤又夠光澤！肉質好嫩又夠牛味香濃，大大份相當有質數。還有其他火鍋配料可以任食，呢個價錢食到咁既質量，絕對唔會失望。最後仲有甜品椰汁雪耳糖水，清新唔死甜！店員服務仲係好好，夠哂客氣又有禮。非常欣賞！