Alvy's (Closed)

近排朋友介紹左西環一間餐廳叫Alvy's，呢度嘅嘢食真係好好食。先講講個環境，如果想同一大班朋友嚟gathering，哩度可以chill咁傾計。我地揀咗set menu, 每位只係238元，好扺食。 小食我地揀咗，招牌肉丸好好味，肉丸本身好juicy ，再加上芝士碎同蕃茄醬，成件事變得好match同香口，雖然每人只有一粒，不過勁大粒，要用刀叉切細食。🤣我好鍾意腐乳凱撒沙律，感覺啲菜特別新鮮特別甜，配埋腐乳同叉燒粒，好fresh好夾。 余均益炸雞翼，呢個辣椒醬真心不得了，相信大家去粥粉麵店都有見過，佢係辣椒醬界嘅hermes, 因為一支真心唔平，個味好特別，有淡淡蕃薯加蒜味，包顆住個雞翼十分惹味。墨西哥辣椒海鮮薄餅，真心係正，佢係handmade Sourdough pizza, 佢個餅底係有少少似印度薄餅咁，帶d 酥脆，薄餅上面有魷魚，蟹柳同蜆肉，仲有青辣椒，好豐富。 嚟到少爺啤開嘅餐廳，啤酒當然唔少得, 佢全部係tap beer，我地叫咗Jeng 同 Just peach。Jeng 係少爺啤出，帶少少果香同微澀味。而Just peach 嘅桃味就好重，比較適合女士飲，好似桃味梳打咁。