川府宴 (Closed)

前幾日同個朋友去開銅鑼灣突然好想食川菜，就搵左呢一間上樓嘅四川菜食嘢。餐廳唔係好大，好簡單嘅裝修，以紅色為主好配合川菜嘅風格， 格調亦都比較高級。我哋就點左個雞絲海蜇＄63 ,蔥爆安格斯牛肉＄128 ,仲有半份嘅酸菜石斑魚＄228。雞絲同埋海蜇都好新鮮，加左少少嘅麻醬你都唔會太咸，青瓜絲切到好油方便你夾來食？蔥爆牛肉，味道有少少似回鍋肉，調味唔會過鹹，安格斯牛肉好新鮮，可以睇到佢嘅油花好均勻京蔥切到個大小啱啱好，食落好有拗口。而最期待嘅主角出場啦，就係呢個酸菜石斑，之前都食過酸菜魚，但應該唔係石斑做嘅，而呢個就加左半隻好大條嘅石斑落去。肉質非常之新鮮應該係活生生咁切落去，酸菜魚裏面有辣椒，薯粉，芽菜，酸菜，酸蘿蔔，非常之豐富，唔會煮到過熟同過酸。