愛家國際餐飲 (Closed)

我幫襯咁多年，每次食個咖喱吉列扒飯都同佢講好鹹，佢地每次回覆都唔同，有時話整好咗冇得改，有次個廚師係入面大叫「係咁㗎喇！」，噚日仲話冇收過投訴，好啦，我今日睇吓佢有冇改啦，結果一樣咁鹹，而且啲配菜仲附送蟲仔俾我，真係多謝曬。話俾侍應知有蟲，佢大聲咁講唔係菜蟲，跟住廚房嗰邊又大叫唔係菜蟲，然後全餐廳員工大聲話唔係菜蟲。大佬，我話係蟲啫，冇話係菜蟲囉...除咗菜蟲以外嘅蟲就唔係咩。🐛同埋我衹係想換碟菜之嘛，做乜俾兩粒手指公咁大嘅曲奇我...嗰兩粒曲奇我望到都唔想食，老公食完之後話好難食。唯一幾好嘅係檸檬粒粒爽，真係幾酸，應該真係檸檬汁嚟。個吉列扒都好，夠脆，擺半個鐘多啲都脆，最衰係個超鹹咖喱汁整衰道菜仲有個侍應幾乎次次嚟佢都會係人哋傾緊計嘅時候插把嘴...好冇禮貌囉。