北海拉麵屋 (Closed)

係維園游完水，夜晚同屋企人係sogo附近搵野食。因為太肚餓啦，係supermarket附近見到依間就諗住試下啦。叫左一個日式叉燒拉麵拼餃子，醬油湯底既。食落去，啲麵質有少少似超市買到既，類似即食麵既質地，唔算好好食。醬油湯底真係得個咸字，一啲都唔香。我諗緊會唔會豬骨湯底好少少，試左少少屋企人既豬骨湯底，發覺更加唔店，豬骨湯底好淡，連醬油湯僅有既咸味都無埋。叉燒唔夠肥，又比較硬，好似煮得太耐太熟。餃子比較好，除左淡左少少外，唔算太乾，味道都過得去。overall黎講，唔算太好食，不過勝在位置夠方便。