幸福堂 (Closed)

呢間幸福堂係旺角女人街新開張。店面裝修簡潔，全玻璃設計可以睇到曬製作過程，呢樣抵讚。最吸睛應該係收銀隔離個大鍋，入面裝住黑糖珍珠，感覺好似係新鮮炒。食落好似唔係😣杯黑糖厚鮮奶 $32 就麻麻地有點失望。首先冇熱嘅，得走冰，d 珍珠係個鍋度但只是常溫，仲要個心係唔熟透！！黑糖味唔算濃郁，d 奶就真係好濃好creamy好似飲cream 咁，因為佢真係落好多花奶、cream ，飲完好飽滯，lunch 都食唔落。唯一抵讚係面有一層好薄有燒過嘅焦糖主要係唔使排隊又有個鍋好似真係炒珍珠咁先去幫襯，結果一般般。