Video
Read full review
2024-07-19
347 views
就算日日都三十幾度，都無阻我地對火鍋嘅愛意。接呢區食力組組員放工，齊齊去呢度滾……………….睇緊食咩時，侍應送上免費前菜，係青藤椒涼伴花膠，酸青瓜及脆片。新登場椰青鷄鍋，選用泰國椰青及鬍鬚鷄，清清地都唔錯喎。2-3人叫($248/半隻)都夠食呀。上枱後滾返熱就可以先飲碗湯。咪講笑，真係好香椰清味，飲落清甜，仲有大量椰青肉食; 而鷄件入口帶嚼勁，同埋唔會搞都個湯底勁油。人地做$1鷄，呢度做$1手切牛頸脊，只要惠顧晚市正價火鍋，加$1就有原價$238嘅本地手切牛頸脊。絶不欺場，肉色靚仔又夠大碟。牛頸脊肉中分布著油脂，肉味香濃，口感嫩中帶少少嚼口，一片大細岩岩好。火鍋食材點少得丸及餃類，呢度可以作雙拼，咁就算少人都可以食多幾款。我地點咗自家製韮菜安格斯牛肉餃及手打芝心墨魚丸 ($108)。韮菜安格斯牛肉餃隻隻飽滿，入口有香濃韮菜味道。而手打芝心墨魚丸口感超彈牙，唯芝士味較淡口。友人喜歡食魚，少少地點個脆鯇骨腩 ($68)每件都相當厚身，入口脆彈。同友人喜歡嘅菜類唔太相同，呢個蔬菜盤($68)，可以完美解決問題。三款蔬菜，又有菇類，南瓜片，冬瓜及白蘿蔔片，可以各式其色。仲有雪糕糯米糍送上作甜品
睇緊食咩時，侍應送上免費前菜，係青藤椒涼伴花膠，酸青瓜及脆片。
新登場椰青鷄鍋，選用泰國椰青及鬍鬚鷄，清清地都唔錯喎。
2-3人叫($248/半隻)都夠食呀。上枱後滾返熱就可以先飲碗湯。
咪講笑，真係好香椰清味，飲落清甜，仲有大量椰青肉食; 而鷄件入口帶嚼勁，同埋唔會搞都個湯底勁油。
人地做$1鷄，呢度做$1手切牛頸脊，只要惠顧晚市正價火鍋，加$1就有原價$238嘅本地手切牛頸脊。
絶不欺場，肉色靚仔又夠大碟。
牛頸脊肉中分布著油脂，肉味香濃，口感嫩中帶少少嚼口，一片大細岩岩好。
火鍋食材點少得丸及餃類，呢度可以作雙拼，咁就算少人都可以食多幾款。我地點咗自家製韮菜安格斯牛肉餃及手打芝心墨魚丸 ($108)。
韮菜安格斯牛肉餃隻隻飽滿，入口有香濃韮菜味道。
而手打芝心墨魚丸口感超彈牙，唯芝士味較淡口。
友人喜歡食魚，少少地點個脆鯇骨腩 ($68)
每件都相當厚身，入口脆彈。
同友人喜歡嘅菜類唔太相同，呢個蔬菜盤($68)，可以完美解決問題。三款蔬菜，又有菇類，南瓜片，冬瓜及白蘿蔔片，可以各式其色。
仲有雪糕糯米糍送上作甜品，今餐選岩咗。
Post
