Hunky Dory

Open Now

Now Closed

放假因為唔想出去同人迫所以就去咗哩間近海邊又有草地嘅餐廳嚟到可以hea一個下午星期六、日會遇到一組組family大人聚餐，小朋友就晌草地玩好熱鬧🔸黑松露野菌湯（$58）非常濃郁，質地偏杰身，好多野菌粒粒，蒜油同黑松露味好夾好香。🔸傳統公司三文治（$98）材料豐富實在，有蛋、火腿、煙肉、蔬菜。美味又健康，麥包烘得好脆又香口。🔸脆炸魷魚圈（$78）🔸雙重炸脆雞中翼（$68）🔸黑松露薯條（$68）叫咗三款炸物嚟配啤酒，慢慢嘆。全部都即叫即炸，所以好脆口、熱辣辣。個人推介雞翼同薯條。🔸自家製蘋果批（$58）❤️聽聞係熱門食物，所以叫嚟試吓。蘋果批係即焗，好香！曲奇批皮幾脆，而一片片嘅蘋果煮得酸甜度剛好，唔會太甜，質地軟得嚟都仲有少少蘋果嘅爽脆，整體好食！同雪糕一齊食，一熱一凍，正！🔸Flat White（$44）🔸London Pride（$78）咖啡比以前好飲咗，味道濃郁咗，質地都厚身豐盈咗，仲可以揀低脂奶、豆奶。