Hooman by the Sea (西九龍文化區)

Open Now

Now Closed

係西九文化區既餐廳價錢都唔平，除左美食車，呢間海景 Hooman cafe都係一個好選擇。雖然坐位唔多，但海濱旁都有好多地方坐，真正係海邊用餐，真係好正。70到80蚊一隻大熱狗，用狗狗名去命名，好得意。叫左哥基同柴犬配一份薯條，佢係係紐紋薯條，有少少炸過左，但都ok。哥基味道偏甜可能加左大量洋蔥，上面既煙肉碎好香，柴犬加左辣椒但唔辣比較惹味，個人比較鍾意柴犬。飲品點左美式咖啡同Blue lemonade。Blue lemonade睇落真係好靚，用黎打卡一流，佢既藍色係糖漿，要先攪混，唔係飲到底就好甜。整體黎講食物正常，唔會覺得超級美味，黎呢度真係食環境，無得輸。