Beesy Bay

Open Now

Now Closed

見到不少網頁、雜誌介紹，一直想來赤柱呢間黃屋試吓。今日公眾假期，大女要考試唔出街，帶埋太太、細女同🐶仔，新年遊車🚘河行大運，南區一日遊。先後去咗石澳、淺水灣、黃泥涌水塘划船🚣，尾站就嚟到赤柱食晚飯。記得呢間黃屋仔，前身係一間藍屋仔叫做Boat House，當年都有同朋友嚟過聚會。今日我哋三個人一隻狗🦮天未黑6點入座。選擇了頂樓戶外位置，環境十分舒適，有大梳化🛋️，景觀望住赤拄無敵海景。仲有發熱暖爐，寒冷的天氣裏面十分窩心💕。前菜的生蠔🦪，比較瘦，蠔爽口、味較淡。前菜的炸魷魚圈：魷魚🦑新鮮，炸漿薄身主菜的印度牛油咖喱雞配烤餅：幾有水準，咖喱🍛香口唔太辣，小朋友都啱食。另一主菜巴馬火腿薄餅：火腿好鹹香，鋪滿火箭菜同芝士。好大個，食唔晒要打包走。除咗飲品仲有甜品Tiramisu🍮: 普普通通，一般水準。Beesy Bay 黃屋仔的員工都十分Nice, 喺度用餐感覺十分舒適。呢度食物質素不算太高，但係服務同埋環境真的一流，影相📸️打卡都好靚。