Video
Read full review
2019-09-22
4277 views
基於吃貨本人好想食生蠔同cold cut，今晚就嚟大解放(個銀包)今日秋風起，坐OUTDOOR十分舒適，被安排入座離LIVE BAND 第三張枱，望到BAND之餘又唔會太近。LIVE BAND女主音仲會友善地同客人打招呼，未叫嘢食都感覺良好。生蠔拼盤8隻4款，檸檬同醬汁都講究地放埋上冰面，咁樣可以令溫度同步，唔會影響鮮味。除咗檸檬同茄汁，我都好欣賞個COCKTAIL汁，因為有我最愛既生蒜味，係食到最後2款較濃味既生蠔用上咗，唔會搶到蠔鮮。順時針由淡到濃味，海水鹹加蠔鮮甜，係令人回味再回味既味道。非常豐富既拼盤，肉類有3款: 火腿同莎樂美X2、芝士、蜜瓜、無花果、薄脆、腰果、杏仁、橄欖、魚、火箭菜+沙律菜，種類十足。今次既火腿油脂唔算多，加埋甜甜蜜瓜，肉香即時突出。酸酸辣辣的秋葵，剛好清一清個口。雖然頭盤食咗生蠔，仍覺得哩個湯個蠔味好濃郁入面仲有大大隻蠔2個人食食下前菜都飽咗半，所以只係叫咗一個主菜，牛扒表面燒得焦香，望都覺得吸引男朋友唔想食咁生，叫咗七成熟，一切開係不得了既粉紅色，一切落去好似海綿咁滲出肉汁，食落去牛味好香好香，係今年食過最好既扒。雖然慢慢食個扒凍咗D，肉味依然滲滿成個
今日秋風起，坐OUTDOOR十分舒適，被安排入座離LIVE BAND 第三張枱，望到BAND之餘又唔會太近。
LIVE BAND女主音仲會友善地同客人打招呼，未叫嘢食都感覺良好。
生蠔拼盤-8隻 Oyster Platter 8pcs
$328
134 views
0 likes
0 comments
生蠔拼盤8隻4款，檸檬同醬汁都講究地放埋上冰面，咁樣可以令溫度同步，唔會影響鮮味。
除咗檸檬同茄汁，我都好欣賞個COCKTAIL汁，因為有我最愛既生蒜味，係食到最後2款較濃味既生蠔用上咗，唔會搶到蠔鮮。
順時針由淡到濃味，海水鹹加蠔鮮甜，係令人回味再回味既味道。
西班牙風乾火腿拼盤 Pata Negra Platter R
$188
113 views
0 likes
0 comments
非常豐富既拼盤，肉類有3款: 火腿同莎樂美X2、芝士、
蜜瓜、無花果、薄脆、腰果、杏仁、橄欖、魚、火箭菜+沙律菜，種類十足。
今次既火腿油脂唔算多，加埋甜甜蜜瓜，肉香即時突出。
醃秋葵 Pickled Okras
$68
80 views
0 likes
0 comments
酸酸辣辣的秋葵，剛好清一清個口。
蠔周打湯伴紅菜頭 Oyster Chowder with beet root
$98
72 views
0 likes
0 comments
雖然頭盤食咗生蠔，仍覺得哩個湯個蠔味好濃郁
入面仲有大大隻蠔
澳洲和牛西冷 Australian Wagyu Sirloin 280g
$348
64 views
0 likes
0 comments
2個人食食下前菜都飽咗半，所以只係叫咗一個主菜，牛扒表面燒得焦香，望都覺得吸引
男朋友唔想食咁生，叫咗七成熟，一切開係不得了既粉紅色，一切落去好似海綿咁滲出肉汁，食落去牛味好香好香，係今年食過最好既扒。
雖然慢慢食個扒凍咗D，肉味依然滲滿成個口腔，每一啖都好似食咗隻牛既精華。
哩間餐廳用環境氣氛，美食味道，細心服務，另人暫時忘記工作壓力，OUTDOOR更有如置身外地既餐廳，絕對係放鬆既好選擇。
Other Info. :
好多人都喜歡揀哩間餐廳慶生，相信係因為氣氛，仲有個特色的火焰雪山，所以一晚聽咗4次生日歌，感覺自己都生日一樣。
(The above review is the personal opinion of a user which does not represent OpenRice's point of view.)
Post
