LLB Bistro (Closed)

中上環呢邊嘅荷李活道，其實保存左香港昔日嘅歷史，好多建築物和道路，都好值得我哋欣賞，尤其是摩羅街附近，喜歡尋寶嘅我，這個星期天就過咗嚟逛逛！今日好早過咗嚟，雖然冇乜收穫，但係中午時段都要坐低抖下食下野，經過呢間餐廳，裝修格調好啱我心水，仲有戶外嘅位置，於是就坐低食下野Hea下😬坐低睇下佢哋嘅Menu，原來仲有Weekend All Day Set Menu，真係啱晒心水，平均都係百零蚊，服務員仲好細心咁介紹👍🏻前菜有沙律🥗和餐湯可供選擇，我哋一人要一款，沙律上面加咗藜麥，清新怡人又健康，差唔多每日不同，今日呢個係番茄濃湯，配上餐包，整體賣相和味道都不錯👍🏻無論器皿和餐具，都睇得出清潔和設計都十分到位，見微知著！上面嗰款係All day breakfast 🍳 ，下面嘅係煙三文魚和班尼迪蛋，全日早餐的份量十足，我更加喜歡班尼迪蛋爆漿的感覺，兩個餐我哋都覺得非常滿意，確係做得唔錯！蘋果茶，有幾片蘋果放在茶入面，飲嘅時候更覺得蘋果嘅香味四溢，另外果杯係凍的Mocha，簡簡單單喺度食下野Hea下，兩個人消費都係三百零蚊，食飽飽抖夠之後又可以再繼續去尋寶了😬