澳門茶餐廳 (Closed)

上完Workshop去埋睇書都已經10點啦.所以就同X黎澳門茶餐廳食飯.好耐無黎.已經唔記得食物既味道...入到去唔係太多人.有卡位坐.地方都幾大唔會迫.頌有電視睇.<功夫>1坐低即刻叫左兩個葡Tart食.放耐左啦!個皮好un.難食!最慘就係食食下野佢無啦啦有成盆新鮮葡Tart出爐...叫左1個咖哩牛腩飯.1個焗葡國雞飯.1個炸馬介休球.咖哩牛腩飯份量非常多!!!兩個女仔都夠食.牛腩同牛筋都整得好諗.但唔食得辣既朋友可能會覺得有少少過辣.同埋油太多啦.兩個人share食完依個都飽左成...炸馬介休球味道尚算不錯,馬介休份量唔會太多搞到太salty.但無乜特別.焗葡國雞飯黎到既時候.我地已經飽曬...但我都有認真試清楚d味.個葡汁我覺得甜左少少.雞肉係雪藏貨.無味!兩個飯都太硬!唔洗加一係TST都算係咁!但聽講早餐唔錯.有機會先試啦.今餐太Heavy啦...