Video
Read full review
2019-06-11
342 views
山長水遠從沙田去到西貢，好彩喺市場街揾到間好chill嘅cafe。其實上次黎到已經被佢裝潢嘅簡約同和風吸引咗，但事因假期都有唔少人，上次就冇入去，星期六朝早我同兩個frd大概十點就黎到，諗住食個brunch，呢個時間就冇咁多人。入面坐得幾舒服，牆上面嘅畫好jeng，店員都幾nice，成個氣氛幾chill，第一印象係唔錯嘅。野食方面呢，我嗌咗一份蟹肉軟包，avocado millshake，佢地就要咗一份all-day breakfast，咖喱烏冬，一杯果茶同櫻花抹茶。我個frd話個all-day breakfas幾唔錯，個炒日本雞蛋都幾滑同幾香。而我嗰個蟹肉軟包真心係幾好食，唔知佢地嘅秘制醬汁係咩呢？加埋個滑蛋，成個軟包真係好夾，幾豐富又幾特別，覺得冇黎錯。我另一個frd嘅咖喱烏冬佢話係ok嘅，吉列大蝦幾脆，又唔會好油，流心蛋岩岩好，整體ok。avocado millshake好濃郁，啖啖avocado咁，果茶幾清新，櫻花抹茶嘅櫻花味都好特別。老闆最後好好人咁送咗一小碟芥末火箭菜比我地食，好神奇嘅係火箭菜入面本身就有wasabi味，問過先知原來係種嘅時候混合咗wasabi種子喺火箭菜到
野食方面呢，我嗌咗一份蟹肉軟包，avocado millshake，佢地就要咗一份all-day breakfast，咖喱烏冬，一杯果茶同櫻花抹茶。我個frd話個all-day breakfas幾唔錯，個炒日本雞蛋都幾滑同幾香。而我嗰個蟹肉軟包真心係幾好食，唔知佢地嘅秘制醬汁係咩呢？加埋個滑蛋，成個軟包真係好夾，幾豐富又幾特別，覺得冇黎錯。我另一個frd嘅咖喱烏冬佢話係ok嘅，吉列大蝦幾脆，又唔會好油，流心蛋岩岩好，整體ok。avocado millshake好濃郁，啖啖avocado咁，果茶幾清新，櫻花抹茶嘅櫻花味都好特別。
老闆最後好好人咁送咗一小碟芥末火箭菜比我地食，好神奇嘅係火箭菜入面本身就有wasabi味，問過先知原來係種嘅時候混合咗wasabi種子喺火箭菜到，慢慢培養出來嘅，因為我地都幾飽，雖然芥末火箭菜好好食，最後我地都冇嗌到個芥末火箭菜沙律，搞到我地有啲唔好意思添，不過我地下次都會再黎試其他野食，呢件係值得再黎嘅，係幾warm嘅一間小店。
「這世上有三樣東西是別人搶不走的：一是吃進胃里的食物，二是藏在心中的夢想，三是讀進大腦的書。」
野食唔錯，環境舒服，又見到有書可以睇，黎一次呢度嘅經歷係人地搶唔走噶。大満足！
Post