Day and Nite by Master Kama (Closed)

近期龍蝦包，龍蝦乜乜乜大熱，先黎呢間試下先。趕得切last order 前達陣。以為係意大利菜，但一望個餐牌，竟然有啲日式食品，例如海膽丼，日式小丸子，餃子等。我地一早做定功課，一場黎到，緊係唔食日本野啦，先叫左個芝士龍蝦長通粉，龍蝦海鮮薄餅，焗薯皮，一杯strawberry and rose tea, 一杯grape and passion fruit tea，由於朋友食過呢間既龍蝦包，今次就無叫了。仲有個龍蝦三文治拼薯條都好想食，可惜只在午市先供應。1. 芝士龍蝦長通粉龍蝦好入味，啲肉唔會好鞋，睇落去好似好漏，其實食落又ok，芝士無想像中咁一pat pat ，唔會話食兩啖就好滯2. 芝士海鮮薄餅係又薄又脆既批底，啖啖海鮮，不過龍蝦份量較為少左少少，可能同個長通粉有比較3. 焗薯皮同上面兩碟龍蝦比係比較普通既一碟，如果可以脆身多少少就更好啦。4.strawberry and rose tea有淡淡玫瑰花茶味，同士多啤梨幾夾，朋友嗰杯熱情果賣相一流，不過掛住飲唔記得影相。由於我麻麻地熱情果，所以都無試了。兩個人份量岩岩好，下次要試下個龍蝦三文治同呢度既炸甜薯